የ12ኛ ክፍል አማርኛ ምዕራፍ 6፦ ጥናታዊ ጽሑፍ

ምርምር ማኅበራዊ፣ አካባቢያዊ፣ ትምህርታዊ፣ ፖለቲካዊና ኢኮኖሚያዊ ችግሮችን ለመፍታት ወይም በተለያዩ መስኮች አዳዲስ ንድፈ ሀሳቦችን ለማፍለቅ የሚካሄድ ጥናት ነው።

በጥናታዊ ጽሑፍ ዝግጅት ውስጥ ቅድሚያ የሚሰጠው ተግባር የጥናታዊ ጽሑፉን ርዕስ መምረጥና መወሰን ነው። ርዕሱ ከተመረጠ በኋላ ነው ሌሎቹ ደረጃዎች የሚመጡት።

የጥናቱ መግቢያ የዘገባው የመጀመሪያ ክፍል ነው። በመግቢያው ላይ ስለጥናቱ አጠቃላይ መንደርደሪያ፣ ጥናቱን ለማካሄድ ያሉ ምክንያቶች፣ ዓላማው እና ጥቅሙ ይገለጻል።

ዋቢ ጽሑፎችን በፊደል ቅደም ተከተል አዘጋጅቶ ማያያዝ የጥናታዊ ዘገባ የማይቀር ተግባር ነው።

ርዕስ በሚመረጥበት ጊዜ ጥናቱን ለማካሄድ ያለን አቅም፣ ጊዜ፣ ገንዘብና የመሳሰሉትን ማጤን ያስፈልጋል። እነዚህን አስቀድሞ መወሰን ወደፊት የሚያጋጥሙ ችግሮችን ለመፍታት ይረዳል።

አጭር ጥቅስ በትእምርተ ጥቅስ ተለይቶ ይቀመጣል። ረዥም ጥቅስ ግን ከግራና ከቀኝ ገባ ብሎ ይጻፋል፤ በዚህ ጊዜ ትእምርተ ጥቅስ አስፈላጊ አይደለም። ቀጥተኛ ጥቅስ ቃል በቃል ከምንጩ የተገኘ መሆን አለበት።

ግለጻ የሌላ ሰውን ሀሳብ ሳይለቅ በራስ ቋንቋና ስልት ማቅረብ ነው። አንድን ቃል በሌላ ቃል መተካት ወይም የቃላትን ቅደም ተከተል ብቻ መለዋወጥ ግለጻ ሊሆን አይችልም።

ማለበሚያ በጥናቱ ገለጻ ውስጥ ተጨማሪ ማብራሪያ ሲያስፈልግ፣ የበለጠ ማብራሪያ ለሚፈልግ አንባቢ የት መመልከት እንዳለበት ሲጠቆም፣ ወይም የጥቅስን መገኛ ቦታ ለማመልከት ሲፈለግ ይጠቅማል። ማብራሪያው ከግርጌ ማስታወሻ ጋር ይገናኛል።

መጠይቁ አራት ክፍሎች ነበሩት። በእያንዳንዱ ክፍል አምስት አምስት ተግባራት ተዘርዝረዋል፤ ይህም በአጠቃላይ 20 ተግባራት ይሆናል።

የጥናት ደረጃዎች ቅደም ተከተል፦ ርዕስ መምረጥ፣ ስለርዕሱ በቂ ግንዛቤ መጨበጥ፣ የጥናቱን ሂደት አስቀድሞ ማቀድ፣ መረጃ መሰብሰብና መተንተን፣ እና ጥናታዊ ጽሑፉን ማዘጋጀት ናቸው።